सुनको मूल्य अहिलेसम्मकै उच्च, कति पुग्यो प्रतितोला ?
काठमाडौं: नेपाली बजारमा आज सुनको मूल्य अहिलेसम्मकै उच्च भएको छ। आज सुनको मूल्य हिजोको तुलनामा तोलामा सात सयले बढेर हालसम्मकै उच्च विन्दुमा पुगेको हो।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा एक लाख ६ हजार नौ सय रुपैयाँ पुगेको छ।
यस्तै आज तेजाबी सुनको मूल्य तोलामा एक लाख ६ हजार चार सय रुपैयाँ कायम भएको छ।
यस्तै चाँदीको मूल्यमा आज १५ रुपैयाँको वृद्धि भएको छ। आज चाँदी तोलामा एक हजार तीन सय ८० रुपैयाँ कायम भएको छ।
माघ महिना लागेदेखि नै सुनको मूल्य प्रतितोला एक लाखभन्दा तल गएको छैन।
माघ १२, २०७९ बिहीबार १२:२९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
