अनियन्त्रित भइ सडकमा पल्टिएकाे ट्र्याक्टरले च्याप्दा पाेखरमा एक जनाको मृत्यु

पाेखराः पोखरामा आज ट्र्याक्टर दुर्घटनामा एक जनाको मृत्यु भएको छ।

पोखरा महानगरपालिका–३३ चवादीस्थित भित्री कच्ची सडकमा ग१त ६६६४ नम्बरको ट्र्याक्टर दुर्घटना हुँदा सोही ठाउँका ६३ वर्षीय नलप्रसाद लामिछानेको मृत्यु भएको गण्डकी प्रदेश प्रहरी कार्यालय पोखराले जनाएको छ। 

ट्र्याक्टर आफैं अनियन्त्रित भइ सडकमा पल्टिंदा ट्र्याक्टरको पछाडिको भागले लामिछानेलाई च्यापेको प्रहरी वरिष्ठ उपरीक्षक शारदा प्रसाद चौधरीले जानकारी दिए।

दुर्घटनालगत्तै घटनास्थलमा पुगेको प्रहरीले लामिछानेलाई उद्धार गरी पोखरा स्वास्थ्य विज्ञान प्रतिष्ठानअन्तर्गतको पश्चिम क्षेत्रीय अस्पताल पठाएको थियो।

उपचारको क्रममा चिकित्सकले लामिछानेलाई मृत घोषणा गरेको प्रहरीले जनाएको छ। घटनालगत्तै ट्र्याक्टर चालक र ट्र्याक्टरलाई प्रहरीले नियन्त्रणमा लिएको छ। 

माघ ११, २०७९ बुधबार २१:१०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।