नौ वर्षपछि समातिए दुर्घटनामा मोटरसाइकल चालककाे ज्यान लिएर फरार रहेका एम्बुलेन्स चालक

काठमाडाैंः ज्यान मुद्दामा फरार रहेका एक व्यक्तिलाई प्रहरीले नौ वर्षपछि पक्राउ गरेको छ।

प्रहरीले सिन्धुपाल्चोकको सुनकोसी गाउँपालिका–१ बस्ने ४२ वर्षीय इमबहादुर कार्कीलाई काठमाडौँको ठमेलबाट पक्राउ गरेकाे हाे।

कार्कीले चलाएकाे एम्बुलेन्सले वि. सं. २०७० जेठ २७ गते मध्यपुर थिमि नगरपालिकाको चार दोबाटोमा मोटरसाइकललाई ठक्कर दिँदा मोटरसाइकल चालक शिवशरण रेग्मीको मृत्यु भएकाे थियाे।

उनले चलाएकाे ओम हस्पिटल एण्ड रिसर्च सेन्टरको बा ३ च ५३७५ नं को एम्बुलेन्सले रेग्मी सवार बा ४०प ५०७९ को  मोटरसाइकललाई ठक्कर दिएकाे थियाे। याे घटनापछि कार्की फरार रहेका थिए।

प्रहरीले कार्कीलाई प्रहरी वृत्त थिमिको हिरासतमा राखेर आवश्यक कारबाहीका लागि जिल्ला अदालतमा पेस गरेको प्रहरी उपरीक्षक केसीले जानकारी दिएका छन्।

माघ ११, २०७९ बुधबार १७:००:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।