मेस्सीलाई विश्राम दिइएको खेलमा एमबाप्पे एक्लैले गरे ५ गाेल, पीएसजी ७-० ले विजयी
एजेन्सीः मेस्सीलाई विश्राम दिइएको खेलमा एमबाप्पे एक्लैले ५ गाेल गरेपछि पीएसजीले फ्रेन्च कपकाे खेलमा सानदार जित हात पारेकाे छ।
खेलमा फ्रेन्च लिग लिडर पीएसजीले छैठाैं डिभिजनकाे क्लब पेस डे कासललाई ७-० काे फराकिलाे अन्तरले हरायाे। याे जितसँगै पिएसजी यस प्रतियाेगिताकाे प्रि-क्वाटरफाइनलमा प्रवेश गरेको छ।
खेलमा फ्रान्सका स्टार स्ट्राइकर एमबाप्पे एक्लैले पाँच गोल गर्दा नेयमार र कार्लोस सोलरले थप १/१ गोलकाे याेगदान दिएका थिए।
खेलकाे पहिलाे हाफमा नै ह्याट्रिक पूरा गरेका एमबाप्पेले दाेस्राे हाफमा थप दुई गाेल गरेका थिए। यस खेलमा अर्जेन्टाइन स्टार लियोनल मेस्सीलाई भने विश्राम दिइएको थियाे।
माघ १०, २०७९ मंगलबार १२:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
