स्ववियु निर्वाचनमा समाजवादी विद्यार्थी युनियनलाई जिताउन जसपाले जारी गर्यो परिपत्र
काठमाडौं: त्रिभुवन विश्वविद्यालयअन्तर्गतका विभिन्न क्याम्पसहरूमा आगामी चैत ५ गते हुने स्वतन्त्र विद्यार्थी युनियनको निर्वाचनमा समाजवादी विद्यार्थी युनियनलाई जिताउन जनता समाजवादी पार्टी, नेपालले परिपत्र जारी गरेको छ। समाजवादी विद्यार्थी युनियनलाई आवश्यक पहल, अभियान र सहयोग गर्न तथा गराउन मातहतका समितिहरूलाई जसपाले निर्देशन दिएको हो।
सोमबार जारी परिपत्रमा जनता समाजवादी पार्टीसँग आबद्ध विद्यार्थी संगठन समाजवादी विद्यार्थी युनियनलाई निर्वाचनको लागि आवश्यक तयारी गर्न र चुनाव जिताउनको लागि पार्टीको नगर, महानगर, जिल्ला र प्रदेश समितिले विद्यार्थी चुनाव सम्बन्धी विशेष योजना र कार्यक्रम तय गरी व्यापक रूपमा अभियान नै सञ्चालन गनुपर्ने भनिएको छ।
माघ १०, २०७९ मंगलबार ०७:२६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
