ओरालो सडकमा जिप पल्टिंदा म्याग्दीमा एक जनाकाे मृत्यु, सात घाइते
१ वर्ष अघि
म्याग्दीः ओरालो सडकमा जिप पल्टिंदा म्याग्दीको मङ्गला गाउँपालिका-२ काफलगौरमा आज दिउँसो एक जनाको मृत्यु भएको छ।
थाइवाङबाट बेनीतर्फ आउँदै गरेको ग १ ज ६९३८ नं को बोलेरो जिप दुर्घटना हुँदा सात जना घाइते भएको जिल्ला प्रहरी कार्यालय म्याग्दीले जनाएको छ।
प्रहरी निरीक्षक राजन ढकालका अनुसार मङ्गला-१ की ६० वर्षीया फौमाया गर्बुजाको उपचारको क्रममा बेनी अस्पतालमा मृत्यु भएको हाे।
दुर्घटनापछि जिप चालकलाई नियन्त्रणमा लिएर छानबिन सुरु गरिएको प्रहरी निरीक्षक ढकालले जानकारी दिए।
माघ ९, २०७९ सोमबार १५:०६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
