यस वर्षकाे स्पोर्ट्स अवार्ड फागुनमा हुने, ९ विधामा अवार्ड प्रदान गरिने
काठमाडाैंः नेपाल खेलकुद पत्रकार मञ्च (एनएसजेएफ) ले हरेक वर्ष आयोजना गर्ने पल्सर स्पोर्ट्स अवार्ड कार्यक्रम याे वर्ष फागुनमा हुने भएको छ।
एनएसजेएफ पल्सर स्पोर्ट्स अवार्ड २०७८ कार्यक्रम फागुन २३ गते काठमाडौं कमलादीस्थित प्रज्ञा भवनमा आयोजना हुने साेमबार एक पत्रकार सम्मलेन गर्दै मञ्चले जनाएकाे छ।
यसपटक ९ विधामा अवार्ड प्रदान गरिने बताइएकाे छ। जसमा वर्षको उत्कृष्ट पुरुष खेलाडी, महिला खेलाडी, युवा खेलाडी र प्रशिक्षकलाई पुरस्कृत गरिनेछ।
त्यसैगरी, अन्य विधामा पिपल्स च्वाइस अवार्ड, पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड र एसियन स्पोर्ट्स जर्नालिष्ट अवार्ड रहेको छ।
मञ्चले सोमबार अवार्डको मुख्य प्रायोजक हंशराज हुलासचन्द एण्ड कम्पनी प्रालिसँग प्रायोजन सम्झौता नविकरण पनि गरेकाे छ।
माघ ९, २०७९ सोमबार १४:३८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
