डेब्यु खेलमा राेनाल्डाेले गाेल गर्न सकेनन्, तर खेल जित्दै अल नासर लिगकाे शिर्ष स्थानमा
एजेन्सीः पोर्चुगलका स्टार स्ट्राइकर क्रिस्टियानो रोनाल्डोले नयाँ क्लब अल नासरबाट अधिकारिक रुपमा डेब्यु गरेका छन्।
आइतबार राती भएकाे साउदी प्रो लिग अन्तर्गतकाे एतिफासँगको खेलबाट उनले डेब्यु गरेका हुन्। साउदी क्लबकाे पहिलाे अधिकारिक खेलमा गाेल गर्न नसके पनि उनले विजयी सुरुवात गरेका छन्।
अल नासरको घरेलु मैदानमा भएकाे खेल नासरले १-० ले जितेकाे थियाे। खेलकाे ३१ औं मिनेटमा टालिस्काले गरेकाे गाेल नै खेलमा निर्णायक बनेकाे थियाे।
याे जितपछि नासर लिगकाे पहिलाे स्थानमा उक्लिएकाे छ। नासरकाे १४ खेलबाट ३३ अंक भएकाे छ भने दाेस्राे स्थानमा रहेकाे अल हिलालकाे १५ खेलबाट ३२ अंक छ।
३७ वर्षिय रोनाल्डो भर्खरै इंग्लिस क्लब म्यान्चेस्टर युनाइटेलबाट साउदी क्लब अल नासरसँग अनुबन्धित भएका हुन्।
माघ ९, २०७९ सोमबार ११:४१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
