मौसम: आज साँझबाट पश्चिमी न्यून चापीय प्रणाली नेपाल प्रवेश गर्ने
काठमाडौं: मौसम पूर्वानुमान महाशाखाका अनुसार हाल देशमा उल्लेखनीय मौसमी प्रणाली छैन। तर आज साँझबाट देशको सुदूरपश्चिम हुँदै पश्चिमी न्यून चापीय प्रणाली नेपाल प्रवेश गर्ने देखिन्छ।
हाल देशभर मौसम सामान्यतया सफा रहेको छ।
आज दिउँसो देशभर मौसम सामान्यतया सफा रहनेछ।
आज राति सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली रही देशका बाँकी भू-भागमा आंशिक बदलीदेखि मौसम सामान्यतया सफा रहनेछ।
सुदूरपश्चिम र कर्णाली प्रदेशका साथै लुम्बिनी प्रदेशका पहाडी भू-भागका एक-दुई स्थानमा हल्का वर्षाको सम्भावना छ।
सुदूरपश्चिम, कर्णाली र गण्डकी प्रदेशका उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना रहेको छ।
माघ ९, २०७९ सोमबार ०७:२५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
