चितवनमा मृत अवस्थामा भेटियो एक महिनाको बच्चा गैँडा
चितवनः भरतपुर महानगरपालिका–२६ मा एक महिनाको गैँडा मृत अवस्थामा भेटिएको छ। शनिबार आमासँगै रहेको गैँडा मृत अवस्थामा भेटिएको हो।
चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार मेघौली उपभोक्ता समितिअन्तर्गत नारायणी नदीको पूर्वी वन क्षेत्रमा रहेको गर्दहा वन क्षेत्रमा बच्चा गैँडा मृत अवस्थामा भेटिएको हो।
प्राकृतिक कारणले गौँडाको बच्चा मरेको हुन सक्ने तिवारीले बताए। चालु आर्थिक वर्षमा मात्र निकुञ्ज क्षेत्रमा ११ गैँडा मृत अवस्थामा भेटिएका छन्।
ती मध्ये आठ कालगतिले मरेका हुन् भने दुई चोरी शिकारीले र एउटा गाउँ छिर्ने समयमा विद्युतीय करेन्ट लागेर मेरेका हुन्।
माघ ८, २०७९ आइतबार २०:४६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
