क्यालिफोर्नियामा ‘लुनार नयाँ वर्ष’ मनाइँरहदा सामूहिक गाेली प्रहार, १० जनाकाे मृत्यु
एजेन्सीः अमेरिकाको दक्षिणी क्यालिफोर्नियाको मोन्टेरे पार्कमा अन्धाधुन्ध गाेली चल्दा कम्तीमा १० जनाको मृत्यु भएको छ। यस घटनामा अन्य १० जनाभन्दा बढी घाइते भएका छन्।
एसियाली मानिसहरूकाे बसोबास रहेकाे यस क्षेत्रमा ‘लुनार नयाँ वर्ष’ मनाइरहेका बेला एक नृत्यस्थलमा बन्दुकधारीले गोली चलाएको प्रहरीले जनाएको छ।
लस एन्जलस शहरबाट करिब १३ किलोमिटर पूर्वमा रहेको यस मोन्टेरी पार्कमा ठूलो सङ्ख्यामा एसियालीहरूको बसोबास छ।
मोन्टेरी पार्क प्रहरी फायर डिपार्टमेन्टका अधिकारी घटनास्थलमा पुग्दा १० जनालाई घटनास्थलमा मृत भेटेको थियो। यस घटनाकाे शङ्कास्पद आक्रमणकारी घटनास्थलबाट भागेकोले प्रहरीले खाेजी जारी राखेकाे बताइएकाे छ।
माघ ८, २०७९ आइतबार १९:०६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
