बसले ट्याक्टरलाई र ट्याक्टरले साइकललाई ठक्कर दिँदा एक जनाको मृत्यु
काठमाडौं : कपिलवस्तुको शुद्दोधन नगरपालिका–६ मा सवारी दुर्घटना हुँदा १ जनाको मृत्यु भएको छ।
भैरहवा तौलिहवा सडक खण्डमा लु २ ख ४२ २६ नम्बरको बसले लु ४ त ५४ १९ नम्बरको ट्याक्टरलाई शनिबार विहान पौने ९ बजे ठक्कर दिएको थियो।
बसको ठक्करबाट अनियन्त्रित भएको ट्याक्टरले साइकललाई समेत ठक्कर दिएको थियो।
दुर्घटनामा गम्भीर घाइते भएका साइकलमा सवार शुद्दोधन नगरपालिका–३ गुलेरीका ३० वर्षीय विन्दकुमार कहारको जिल्ला अस्पतालमा उपचारको क्रममा मृत्यु भएको हो।
बसमा सवार ६ जनामध्ये घाइते भएका २ जनाको सोही अस्पतालमा उपचार भइरहेको छ।
बस चालकलाई प्रहरीले नियन्त्रणमा लिएको छ भने फरार भएका ट्याक्टर चालकको खोजी भइरहेको जिल्ला प्रहरी कार्यालय कपिलवस्तुले जानकारी दिएको छ।
माघ ७, २०७९ शनिबार १५:३२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
