बाँसघारीमा युवक मृत फेला
काठमाडौं: सुर्खेतको वीरेन्द्रनगरमा एक युवक मृत फेला परेका छन्। वीरन्द्रनगर नगरपालिका–११ मा आज बिहान साढे ८ बजे एक युवक मृत फेला परेको प्रहरीले जनाएको छ।
घरदेखि करिब पाँच सय मिटर टाढा वीरेन्द्रनगरबाट लेकबेँसी जाने भित्री सडकमा सोही ठाउँ बस्ने ३५ वर्षीय चन्द्रबहादुर खड्का बाँसको घारीमा मृतावस्थामा फेला परेको जिल्ला प्रहरी कार्यालय सुर्खेतका प्रहरी नायब निरीक्षक सुरज कार्कीले बताए।
स्थानीयले खबर गरेपछि प्रहरी घटनास्थल पुगेको थियो। त्यहाँ छेउमै मोटरसाइकल पार्किङ गरी चन्द्रबहादुर मृतावस्थामा भेटिएका हुन्।
प्रहरीले घटना सम्बन्धमा थप अनुसन्धान गरिरहेको छ।
माघ ७, २०७९ शनिबार १३:३१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
