नवलपुरमा दुई गैंडा मृत फेला, एउटाकाे खाग गायब
१ वर्ष अघि
काठमाडौं : नवलपुरको मध्यविन्दु नगरपालिका–२ को नारायणी नदी किनारमा दुई गैंडा मृत अवस्थामा फेला परेको छ।
चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार शुक्रबार विहान मृत अवस्थामा भेटिएका दुई गैंडामध्ये एउटाको खाग पनि निकालिएको छ।
निकुञ्जका प्राविधिक र चिकित्सकको टोली घटनास्थलतर्फ गएको तिवारीले बताए।
अहिले गैंडा मृत भेटिएको स्थानमा नेपाली सेनाले सुरक्षा दिइरहेको छ। खाग पनि निकालिसकेको हुँदा चोरी शिकारीमा परेको हुनसक्ने अनुमान गरिएको छ।
माघ ६, २०७९ शुक्रबार १९:३५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
