अजय देवगनका भतिजासँग बलिउड डेब्यु गर्दै रविना टण्डनकी छोरी

एजेन्सी : बलिउडमा प्रायजसो नातावादको बहस हुने गर्छ। यसका बाबजुद पनि स्टारकिड्सको डेब्यू लगातार भइरहेका छन्। यसैबीच अब अर्को स्टारकिडले बलिउडमा डेब्यु गर्न लागेकाे खबर सार्वजनिक भएकाे छ।

पिंकभिल्लाकाअनुसार बलिउडकी चर्चित अभिनेत्री रविना टन्डनकी छोरी राशाले आमाको पदचाप पछ्याउँदै १७ वर्षकै उमेरमा अभिनयमा डेब्यु गर्न लागेकी हुन्।

अभिनयमा अहिलेसम्म नआएकी उनी सामाजिक सञ्जालमा भने निकै सक्रिय छन्। निर्देशक अभिषेक कपुरले आफ्नो अर्को फिल्ममा रविना टण्डनकी छोरीलाई डेब्यु गराउने समाचारमा उल्लेख छ।

अहिले नै नाम नखुलाइएको फिल्म एक्सन–एड्भेन्चर फिल्म हुनेछ। यसमा अजय देवगनको महत्वपूर्ण भूमिकामा देखिनेछन्। योसँगै अजय देवगनका भतिजा अमन देवगनले पनि यहि फिल्मबाट बलिउडमा डेब्यु गर्दैछन्।

रविना टण्डनले सन् २००४ मा अनिल थडानीसँग विवाह गरेका थिइन्। उनीहरूको राशा र रणवीर नामका दुई सन्तान छन्।

माघ ६, २०७९ शुक्रबार १७:०४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।