कांग्रेसबाट मुक्ता यादवले दिइन् उपसभामुखमा उम्मेदवारी
काठमाडाैंः नेपाली कांग्रेसका तर्फबाट उपसभामुख पदका लागि मुक्ताकुमारी यादवले उम्मेदवारी दर्ता गराएकी छन्। यादवले शुक्रबार संघीय संसद सचिवालयमा उपसभामुख पदका लागि उम्मेदवारी दिएकी हुन्।
शुक्रबार बिहान पार्टी सभापति शेरबहादुर देउवाको निवासमा भएको बैठकमा कांग्रेसबाट उपसभामुखकाे लागि यादवकाे नाम छनाैट भएकाे थियाे।
उनकाे समर्थकमा लोकतान्त्रिक समाजवादी पार्टीका सर्वेन्द्रनाथ शुक्ला र एकीकृत समाजवादीका मेटमणि चौधरी रहेका छन् भने प्रस्तावकमा कांग्रेस सांसद बद्रीप्रसाद पाण्डे छन्।
सत्तागठबन्धनका तर्फबाट भने राष्ट्रिय स्वतन्त्र पार्टीकी इन्दिरा राना मगरले उपसभामुखका लागि उम्मेदवारी दर्ता गराइसकेकी छन्।
माघ ६, २०७९ शुक्रबार १६:०४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
