मुक्ता यादवलाई उपसभामुखकाे उम्मेदवार बनाउँदै कांग्रेस
काठमाडाैंः नेपाली कांग्रेसका तर्फबाट उपसभामुख पदका लागि मुक्ताकुमारी यादवले उम्मेदवारी दिने तयारी गरिरहेकी छिन्।
मुख्य सचेतक रमेश लेखकका अनुसार कांग्रेसले यादवलाई उपसभामुखको उम्मेदवार बनाउन लागेकाे हाे। उनी समानुपातिक तर्फबाट सांसद पदमा विजयी भएकी हुन्।
शुक्रबार बिहान पार्टी सभापति शेरबहादुर देउवाको निवासमा भएको बैठकमा उपसभामुखकाे लागि यादवकाे नाम छनाैट भएकाे लेखकले बताए।
सत्तागठबन्धनका तर्फबाट भने राष्ट्रिय स्वतन्त्र पार्टीकी इन्दिरा राना मगरले उपसभामुखका लागि उम्मेदवारी दर्ता गराएकी छन्।
माघ ६, २०७९ शुक्रबार १४:०८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
