झापा र भोजपुरको छुट्टाछुट्टै स्थानबाट ब्राउनसुगरसहित दुई जना पक्राउ

काठमाडौं: झापा र भोजपुरको छुट्टाछुट्टै स्थानबाट प्रतिबन्धित लागूऔषधसहित दुई जनालाई प्रहरीले पक्राउ गरेको छ। पक्राउ पर्नेमा लमजुङ बेशीसहर नगरपालिका-६ लमजुङ घर भई काठमाडौं महानगरपालिका-५ बसपार्क मिलन टोलमा डेरा गरी बस्दै आएका २४ वर्षीय युकेन गुरुङ र भोजपुरको देउरालीका २१ वर्षीय रेवन बराइली रहेका छन्।

गुरुङलाई हिजो साँझ ७ बजे झापाको भद्रपुर एयरपोर्टबाट काठमाडौं जान लागेको अवस्थामा चेकजाँच गर्ने क्रममा उनको साथबाट लागूऔषध ब्राउन सुगर १२ ग्राम फेला पारी नियन्त्रणमा लिइएको हो। उनीमाथि जिल्ला प्रहरी कार्यालय झापाबाट थप अनुसन्धान भइरहेको छ।

यसै गरी बराइलीलाई हिजो अपराह्न ४ बजे जिल्ला प्रहरी कार्यालय भोजपुरबाट खटिएको प्रहरी टोलीले भोजपुर नगरपालिका वडा नं.१० भैंसीपंखा मेजर चोकबाट लागूऔषध ब्राउन सुगर ९९० मिलिग्रामसहित पक्राउ गरेको हो। उनीमाथि पनि थप अनुसन्धान भइरहेको छ।

माघ ६, २०७९ शुक्रबार १३:३७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।