टाेटेनहमविरुद्ध सिटीकाे उत्कृष्ट कमब्याक, पहिलाे हाफमा २ गाेल खाएकाे सिटीले दाेस्राे हाफमा फर्कायाे ४ गाेल

एजेन्सीः म्यानचेस्टर सिटीले इंग्लिस प्रिमियर लिगमा सानदार पुनरागमन गर्दै टाेटेनहमलाई ४-२ ले पराजित गरेकाे छ। बिहीबार राती भएकाे खेलमा पहिलो हाफमा २-० ले पछि परेको सिटीले दाेस्राे हाफमा ४ गाेल फर्कायाे।

सिटीकाे घरेलु मैदान इतिहाद स्टेडियममा भएकाे खेलमा टोटेनहमले पहिलो हाफको अन्तिम समयमा लगातार दुई गोल गरेकाे थियाे।

खेलकाे ४४ अौं मिनेटमा कुलुसेभ्सकी र इन्ज्युरी समयमा एक्सन रोयलले गाेल गर्दा सिटी पहिलाे हाफमा २-० ले पछि परेकाे थियाे। तर दाेस्राे हाफमा सिटीले उत्कृष्ठ कमब्याक गर्दै ४ गाेल फर्कायाे र खेलमा राेमाञ्चक जित दर्ता गरायाे।

दोस्रो हाफको छैठाैं मिनेटमा नै जुलियन अल्भारेज र आठाैं मिनेटमा हालान्डले गाेल गर्दा खेल २-२ काे बराबरीमा पुगेकाे थियाे। यसपछि माहरेजले ६३ अौं मिनेटमा र खेलको अन्तिम समयमा थप दुई गाेल गर्दै सिटीकाे जित पक्का गरे।

याे जितसँगै सिटीले लिग लिडर आर्सनलसँगकाे दुरी ५ अंकमा झारेकाे छ। लिगकाे दाेस्राे स्थानमा रहेकाे सिटीको १९ खेलबाट ४२ अंक छ भने एक खेल कम खेलेकाे आर्सनलको ४७ अंक छ।

माघ ६, २०७९ शुक्रबार १२:०४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।