अब शाहिद कपूरकाे घरमा बस्नेछन् कार्तिक आर्यन र उनकी आमा

एजेन्सी : बलिउड उद्योगमा आजकल कार्तिक आर्यनको नाम चर्चामा छ। कहिले प्रोफेशनल त कहिले पर्सनल लाइफका कारण उनी चर्चामा छन्।

यसैबीच लामो समयदेखि मुम्बईमा घर भाडामा खोजिरहेका उनलाई बलिउड अभिनेता शाहिद कपूरको घर मन परेको छ। उनले शाहिदको घर भाडामा लिने भएका छन्।

मिडिया रिपोर्टका अनुसार कार्तिक आर्यनले यो घर ३ वर्षका लागि भाडामा लिएका छन्, जसका लागि उनले ४५ लाख रूपैयाँ जम्मा गरेका छन्।

कार्तिक आर्यनले मासिक ७.५ लाख भाडा तिर्नेछन्। भाडा सम्झौताअनुसार प्रत्येक वर्ष भाडा बढ्दै जानेछ। दोस्रो वर्ष ८.२ लाख र तेस्रो वर्ष ८.५८ लाख रूपैयाँ मासिक भाडा तिर्नुपर्नेछ।

कार्तिकले लिएको घर ३६८१ स्क्वायर फिटमा फैलिएको छ। दुईवटा कार पार्किङ रहेको घरको भाडा सम्झौतासमेत भइसकेको छ। सम्झौतामा कार्तिककी आमा माला तिवारी र शाहिदकी पत्नी मीरा राजपूतले हस्ताक्षर गरेका छन्।

माघ ५, २०७९ बिहीबार १८:१५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।