राखी सावन्त मुम्बई पुलिसकाे हिरासमतमा, शर्लिनले दिएकी थिइन् उजुरी
एजेन्सी : मुम्बई प्रहरीले मोडल तथा अभिनेत्री राखी सावन्तलाई पक्राउ गरेको छ।
अर्की मोडल तथा अभिनेत्री शर्लिन चोपडाको उजुरीपछि बिहीबार दिउँसो सावन्तलाई प्रहरीले पक्राउ गरेको हो।
सावन्तले आफ्ना केही आपत्तिजनक तस्बिर र भिडियो भाइरल गराएको आरोप लगाउदै प्रहरीमा उजुरी गरेपछि उनलाई पक्राउ गरेर सोधपुछका लागि अम्बोली प्रहरी चौकीमा ल्याइएको भारतीय सञ्चारमाध्यमले जनाएका छन्।
प्रहरीले उनीहरुलाई अंधेरी अदालतमा पेश गर्नेछ। यसअघि सावन्तको अग्रिम जमानतको निवेदन मुम्बई शेशन कोर्टले खारेज गरेको थियो।
उजुरीपछि सावन्त र उनकी वकिल फाल्गुनी ब्रह्मभट्टविरुद्ध एफआईआर दर्ता गरिएको मुम्बाई प्रहरीले जनाएको छ।
माघ ५, २०७९ बिहीबार १७:४८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
