अभिनेत्री सुहानाको ड्रिम प्रोजेक्टमा विपिनको इन्ट्री

काठमाडौं : अभिनेत्री सुहाना थापाको ड्रिम प्रोजेक्ट फिल्म ‘भगवत् गीता’मा अभिनेता विपिन कार्की जोडिएका छन्। विवादले घेरिएको फिल्म प्रसाद २ को सुटिङ सक्काए लगत्तै विपिन भगवत् गीतामा अनुबन्धित भए।

कृष्णभक्त सुहानाको यो ड्रिम प्रोजेक्ट हो। फिल्ममा नायक धिरज मगर पहिल्यै अनुबन्धित भइसकेका छन्। कृष्ण र राधाको प्रेमको मिथमा केन्द्रित फिल्म राधा केन्द्रित हुने देखिन्छ। अर्थात् फिल्मको केन्द्रीय भूमिकामा सुहाना हुनेछिन्।

विपिन कुन चरित्रमा अनुबन्ध भएका हुन् खुलेको छैन। तर निर्माता सुनिलकुमार थापा र निर्देशक झरना थापासँग उनले लिखित सम्झौता गरिसकेका छन्। 

विपिनले जुन भूमिकामा सम्झौता गरे त्यसमा अभिनेता सौगात मल्ल छानिइसकेका थिए। उनी अर्को प्रोजेक्टमा व्यस्त भएपछि निर्माण पक्षले विपिन छानेको देखिन्छ। फिल्म माघ २० बाट फ्लोरमा जाने तयारीमा छ।

माघ ५, २०७९ बिहीबार १७:००:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।