गोंगबुको होटलबाट ७३१ थान राहदानीसहित तीन जना पक्राउ
काठमाडौं : काठमाडौं महानगरपालिका–२६ गोगंबुको वीरेन्द्र ऐश्वर्य मार्गस्थित होटल सोना र होटल पल्लीकोटबाट ७३१ थान राहदानी सहित प्रहरीले तीन जनालाई पक्राउ गरेको छ।
पक्राउ पर्नेमा कञ्चनपुर बेतकोट नगरपालिका–३ घर भई टोखा नगरपालिका–९ म्याग्दी चोक बस्ने ४८ वर्षीय लोकजंग खड्कासहित तीन जना छन्। उनहरूलाई बुधबार साँझ पक्राउ गरिएको हो।
उक्त होटलहरूमा शंकास्पद व्यक्तिहरू रहेको सूचनाका आधारमा प्रहरी प्रभाग गोंगबुबाट खटिएको प्रहरीले टोलीले होटेल सोनाबाट शंकास्पद रूपमा रहेका ७१७ थान र होटल पल्लीकोटबाट १४ थान गरी जम्मा ७३१ थान राहदानी सहित उनीहरूलाई नियन्त्रणमा लिएको हो।
यस सम्बन्धमा प्रहरीबाट थप अनुसन्धान भइरहेको छ।
माघ ५, २०७९ बिहीबार १६:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
