धरानमा खुकुरी प्रहारबाट एक जनाकाे मृत्यु, हर्कबहादुर पक्राउ
सुनसरी : खुकुरी प्रहार गरी हत्या गरेको आरोपमा प्रहरीले एक जनालाई पक्राउ गरेको छ।
धरान उपमहानगरपालिका–५ आँपटार बस्ने ४९ वर्षीय कुमार बुढाथोकीलाई हत्या अभियोगमा सोही ठाउँ बस्ने ३५ वर्षीय विकास भन्ने हर्कबहादुर राईलाई बिहीबार बिहान प्रहरीले पक्राउ गरेको हो।
हर्कबहादुरको खुकुरी प्रहारबाट कुमारको घटनास्थलमै मृत्यु भएको र सोही ठाउँ बस्ने ३५ वर्षीया मन्जु भन्ने गोमा खड्का राईलाई समेत टाउकोमा खुकुरी प्रहार गर्दा घाइते भएको ईलाका प्रहरी कार्यालय धरानले जनाएको छ।
घाइते गोमालाई उपचारको लागि विजयपुर अस्पताल हुँदै घोपा अस्पताल धरान पठाइएको छ।
घटनाबारे प्रहरीले आवश्यक अनुसन्धान गरिरहेको छ।
माघ ५, २०७९ बिहीबार १६:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
