१३ करोड रुपैयाँको इसा अवार्ड जितेका डा. रुइत भन्छन्- ‘राष्ट्रपति पद मेरा लागि होइन, योभन्दा गर्नुपर्ने काम धेरै छ’
काठमाडौंः बहराइनबाट १३ करोड रुपैयाँ सहितकाे प्रतिष्ठित इसा अवार्ड जितेर नेपाल फर्किएका डा. सन्दुक रुइतले राष्ट्रपति पद आफ्नो लागि नभएको बताएका छन्।
वरिष्ठ नेत्र चिकित्सक रुइत अवार्ड लिएर बहराइनबाट बुधबार स्वदेश फर्किएका थिए। यसपछि त्रिभुवन अन्तर्राष्ट्रिय विमानस्थलमा पत्रकारहरूले सार्वसाधारणले उनलाई राष्ट्रपतिकाे रुपमा हेर्न चाहेकाे बारे प्रश्न गरेका थिए।
यस प्रश्नमा उनले हाँस्दै भने, ‘यो पद मेरा लागि होइन। मैले आफ्नो सीमा र स्थान राम्राेसँग बुझेको छु। यसै कारणले गर्दा नै म यहाँसम्म आइपुगेकाे हुँ। मैले गर्न सक्ने भन्दा अरु काम म गर्दिन, यो भन्दा गर्नुपर्ने काम धेरै छ।’
माघ ४, २०७९ बुधबार १८:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
