सभामुखमा कांग्रेसबाट ईश्वरी न्यौपानेले दिइन् उम्मेदवारी
काठमाडौंः प्रतिनिधिसभाकाे सभामुखकाे लागि नेपाली कांग्रेसबाट ईश्वरी न्यौपानेले मनाेनयन दर्ता गराएकी छन्। बुधबार बसेको पार्टीको बैठकले न्यौपानेले सभामुखमा उम्मेदवारी दिन लगाउने निर्णय गरेको थियाे।
आज संघीय संसद सचिवालयमा उनले सभामुखका लागि उम्मेदवारी दिएकी हुन्। उनको प्रस्तावकमा कांग्रेसका महामन्त्री विश्व प्रकाश शर्मा र समर्थकमा एकीकृत समाजवादीका नेता प्रकाश ज्वाला रहेका छन्।
केन्द्रीय संसदीय कार्यसम्पादन समितिको बैठक पछि कांग्रेसले प्रतिपक्षमा रहेका दलहरुसँग छलफल गरेर मनोनयन दर्ता गरेकाे हाे।
सत्तारुढ गठबन्धनका तर्फबाट एमालेका देवराज घिमिरेले सभामुखका लागि मनोनयन दर्ता गरिसकेका छन्।
माघ ४, २०७९ बुधबार १५:५७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
