पाेखरा दुर्घटनामा मृत्यु भएका २२ जनाकाे शव आफन्तलाई बुझाइयाे, १ जनाकाे खाेजी अझै जारी
काठमाडौं : पोखरामा भएको यती एयरलाइन्सको विमान दुर्घटनामा मृत्यु भएका २२ जनाको शव उनीहरूका आफन्तलाई बुझाइएको छ।
मंगलबार साँझसम्म ७१ जनाको शव भेटिएकोमा सनाखत भएका २२ जनाको शव आफन्तलाई बुझाइएको यती एयसलाइन्सले जनाएको छ।
दुर्घटनामा परेका एक जनाको अवस्था अझै अज्ञात रहेको छ भने ४८ वटा शव मंगलबार काठमाडौं ल्याइएको थियो।
सनाखत हुन नसकेका, विदेशी नागरिक तथा चालक दलका सदस्यहरूको शव काठमाडौं ल्याइएको हो।
दुर्घटनाग्रस्त विमानमा ७२ जना सवार थिए।
यसैबीच, पोखरा विमान दुर्घटनामा ज्यान गुमाएका ४ जना भारतीय नागरिकका परिवारलाई उत्तर प्रदेश सरकारले ५ लाख भारु दिने भएको छ।
माघ ४, २०७९ बुधबार १२:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
