‘पठान’काे विषयमा बोलेपछि नेताहरूलाई मोदीको निर्देशन

एजेन्सी : बलिउड फिल्म पठान यतिबेला निकै चर्चामा छ। शाहरुख खानको यो फिल्मलाई लिएर हरेक दिन कुनै न कुनै नयाँ अपडेट सार्वजनिक भइरहेका छन्।

यसबाहेक यो फिल्म पनि निकै विवादमा परेको छ। फिल्मको ‘बेशर्म रंग’ गीतलाई लिएर निकै विवाद भएको थियो। यस गीतमा दीपिका पादुकोणले लगाएको पहिरनको बारेमा सत्तारुढ भारतीय जनता पार्टीले विभिन्न वक्तव्यबाजी गरेको थियो।

यसबारे अभिनेतादेखि नेतासम्मले बयान दिएका थिए। अहिले सोही विषयमा प्रधानमन्त्री नरेन्द्र मोदीको एउटा वक्तव्य सार्वजनिक भएको छ, जसमा उनले फिल्मको नाम नभनि नेताहरूलाई निर्देशन दिएका छन्।

मिडिया रिपोर्टका अनुसार प्रधानमन्त्री नरेन्द्र मोदीले राजनीतिज्ञहरूलाई फिल्मको बारेमा अनावश्यक टिप्पणी नगर्न निर्देशन दिएका हुन्।

निर्देशन दिने क्रममा मोदीले न त कुनै नेताको नाम लिएका छन् न त फिल्मको। तर उनको यो भनाइलाई फिल्म पठानसँग जोडेर हेरिएको छ।

माघ ४, २०७९ बुधबार १०:१४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।