पीएसजीविरुद्धकाे खेलमा साउदीबाट राेनाल्डाेले कप्तानी गर्ने, कहिले कहाँबाट हेर्न पाइन्छ लाइभ?
काठमाडौं : फ्रेन्च क्लब पेरिस सेन्ट जर्मेन (पीएसजी) विरुद्ध क्रिस्टियानो रोनाल्डोले साउदी अलस्टारकाे कप्तानी गर्ने भएका छन्।
साउदी अरेबियन क्लबका शीर्ष खेलाडीहरूले बिहीबार नेपाली समयअनुसार पाैने ११ बजे साउदीकाे किङ्ग फहाल स्टेडियममा फ्रेन्च क्लबसँग मैत्रीपूर्ण खेल खेल्ने तालिका रहेको छ।
यस खेलमा दुई महान खेलाडी क्रिस्टियानाे रोनाल्डो र लियोनल मेस्सीबीचको भिडन्त हेर्न पाइनेछ। खेललाई बेन स्पाेर्ट्स नेटवर्कले प्रसारण गर्नेछ भने पीएसजी टिभीमार्फत भएकाे लाइभ स्ट्रिम विश्वरभर हेर्न सकिनेछ।
विश्वकप विजेता मेस्सी पीएसजीमा आबद्द छन्।
माघ ४, २०७९ बुधबार ०७:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
