हिमालय एयरलाइन्सको काठमाडाैं–बेइजिङ उडान सुरू
काठमाडौं : हिमालय एयरलाइन्सले चीनको राजधानी बेइजिङमा उडान सुरू गरेको छ।
मंगलबार पहिलोपटक एयरलाइन्सले काडमाडौं–बेइजिङ उडान सुरू गरेको हो। त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरका अनुसार विहान १० बजेर ४० मिनेटमा विमान काठमाडौंबाट उडेको थियो।
काठमाडौं र बेइजिङलाई सीधा जोड्ने यो पहिलो उडान हो। चीनको राजधानी बेइजिङमा झण्डै तीन वर्षपछि विदेशका अन्तर्राष्ट्रिय वायुसेवा कम्पनीले उडान थालेका छन्।
राजधानीको नयाँ विमानस्थल बेइजिङ तासिङ अन्तर्राष्ट्रिय विमानस्थलमा हिमालय एयरलाइन्सले हप्तामा एक पटक उडान भर्ने भएको छ। चीनले कोभिड–१९ महामारीपछि सन् २०२० को मार्च १ देखि सबै अन्तर्राष्ट्रिय उडानमा रोक लगाएको थियो।
माघ ३, २०७९ मंगलबार १७:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
