घोषणा भइसकेको भारतीय टोलीबाट श्रेयस अय्यर आउट, रजत पाटीदारलाई भित्र्याइयो

काठमाडौं : भारतीय क्रिकेटर श्रेयस अय्यर न्युजिल्याण्ड विरुद्धको तीन एकदिवसीय सिरिज खेल्न नपाउने भएका छन्।

भारतीय क्रिकेट कन्ट्रोल बोर्ड (बीसीसीआई) सचिव जय शाहले अय्यर ढाडमा चोट लागेका कारण न्युजिल्याण्डविरुद्धको एकदिवसीय सिरिज खेल्न नसक्ने जानकारी दिए।

छनोट समितिले उनको स्थानमा रजत पाटीदारलाई मौका दिएको छ।

जय शाहले अय्यर चोटको मूल्याङ्कन र उपचारका लागि राष्ट्रिय क्रिकेट एकेडेमी (एनसीए) जाने बताए।

भारत र न्यूजिल्याण्डबीचको तीन खेलको एकदिवसीय शृंखला बुधबार (१८ जनवरी)देखि सुरू हुँदैछ। पहिलो खेल हैदरावादमा हुनेछ।

भारत एकदिवसीय टोलीः रोहित शर्मा (कप्तान), शुभमन गिल, इशान किशन, विराट कोहली, सूर्य कुमार यादव, केएस भरत, हार्दिक पाण्ड्या, रजत पाटीदार, वाशिंगटन सुन्दर, शाहबाज अहमद, शार्दुल ठाकुर, युजवेन्द्र चहल, कुलदीप यादव, मोहम्मद शामी, मोहम्मद सिराज र उमरान मलिक।

माघ ३, २०७९ मंगलबार १५:३०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।