यति विमान दुर्घटनामा परेका तीन जना अझै बेपत्ता, सोमबारको खोजी सकियो
काठमाडौँ : यति एयरलाइन्सको दुर्घटनामा परेका यात्रु र चालकको खोजीको दोस्रो दिन एक जनाको शव फेला पर्यो। चार जना हराइरहेकोमा बेपत्ताको सङ्ख्या ३ पुग्यो।
चालक दल र यात्रु सहित ६९ जनाको शव फेला परेको छ। अझै तीन जनाको अवस्था अज्ञात छ। सोमबार खोजीमा खटिएको टोलीले खुट्टा, हात, करङ लगायतका शरीरका अङ्ग फेला पारेका छन्।
तर ती अङ्ग बरामद भइसकेको शवको हो या अन्य भन्ने यकिन हुन सकेको छैन। सोमबार रातीसम्म पनि जारी खोजीको काम सोमबारका लागि स्थगित भएको र मङ्गलवार बिहानबाट सुरु हुने सशस्त्र प्रहरी बलका सहायक प्रवक्ता डिएसपी शैलेन्द्र थापाले जानकारी दिए।
'अँध्यारो भएपछि आजका लागि खोजीको काम रोकिएको छ। मङ्गलवार बिहानैबाट पुन सुरु हुन्छ,' उनले भने।
माघ २, २०७९ सोमबार १९:०६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
