गण्डकीको उपसभामुखमा एमालेकी थापा निर्वाचित
काठमाडाैंः गण्डकी प्रदेशसभाको उपसभामुखमा एमालेकी बिनाकुमारी थापा निर्वाचित भएकी छन्। सोमबार भएको निर्वाचनमा थापाको पक्षमा ३२ मत खसेको प्रदेशसभा सदस्य गोविन्दबहादुर नेपालीले जानकारी दिए।
थापालाई एमाले, माओवादी केन्द्र, राष्ट्रिय प्रजातन्त्र पार्टी र एकीकृत समाजवादीका प्रदेशसभा सदस्यले मत दिएका थिए।उनी बागलुङबाट समानुपातिकतर्फ निर्वाचित भएकी थिइन्।
उपसभामुख पदका अर्की उम्मेदवार नेपाली कांग्रेसकी पार्वती तामाङले भने २६ मत पाएकी छिन्।
प्रदेशसभाका कुल ६० सदस्यमध्ये सभामुख कृष्णप्रसाद धिताल तटस्थ बसेका थिए। कांग्रेसका एक जना प्रदेशसभा सदस्य भने मतदानमा अनुपस्थित रहेका थिए।
माघ २, २०७९ सोमबार १७:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
