खुकुरी प्रहार गरेर हत्या, २४ वर्षीय युवा पक्राउ
तनहुँ : खुकुरी प्रहार गरेर हत्या गरेको अभियोगमा प्रहरीले एक युवकलाई पक्राउ गरेको छ।
भानु नगरपालिका–६ बस्ने ४९ वर्षीय सन्त बहादुर गुरूङलाई खुकुरी प्रहार गरी हत्या गरेको अभियोगमा प्रहरीले व्यास नगरपालिका–८ रिस्ती बस्ने २४ वर्षीय आशिस परियारलाई सोमबार दिउँसो पक्राउ गरेको हो।
भानु नगरपालिका–६ टुहुरे पसलस्थित भित्री सडकमा सन्तबहादुरलाई परियारले खुकुरी प्रहार गरी हत्या गरेको सूचनाका आधारमा ईलाका प्रहरी कार्यालय चन्द्रवती र ईलाका प्रहरी कार्यालय भानुबाट खटिएको प्रहरीले उनलाई पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
माघ २, २०७९ सोमबार १६:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
