लिग-२ अन्तर्गतकाे ओडीआई सिरिज अर्को महिना नेपाल हुने, नामिबिया र स्कटल्यान्डसँग नेपालकाे भिडन्त
काठमाडाैंः आईसीसी विश्वकप लिग–२ अन्तर्गतकाे त्रिकोणात्मक एकदिवसीय (ओडीआई) सिरिज अर्को महिना नेपालमा हुने भएकाे छ। नेपालले घरेलु मैदान हुने सिरिजमा नामिबिया र स्कटल्यान्डसँग २-२ खेल खेल्ने भएकाे हाे।
नेपाल क्रिकेट संघ (क्यान) ले शनिबार टीयू खेल मैदान कीर्तिपुरमा हुने नेपाल, नामिबिया र स्कटल्यान्डबीचकाे सिरिजको खेल तालिका सार्वजनिक गरेको छ। जसअनुसार नेपालले पहिलो खेल फागुन २ गते नामिबियासँग खेल्नेछ।
आईसीसी विश्वकप लिग–२ यसै वर्ष भारतमा हुने एकदिवसीय विश्वकपकाे छनाेट प्रतियाेगितासम्म पुग्ने बाटाे हाे।
यस लिगमा स्कटल्यान्ड ३२ खेलमा ४६ अंक सहित पहिलाे स्थानमा छ भने नामिबिया ३० खेलमा ३७ अंक जोड्दै तेस्रो स्थानमा छ। २४ खेल खेलेकाे नेपाल १८ अंकका साथ लिगकाे छैटौं स्थानमा छ।
माघ १, २०७९ आइतबार १९:३३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
