कर्णाली प्रदेश सभाको सभामुखका लागि आज निर्वाचन हुँदै
काठमाडौं: कर्णाली प्रदेश सभाको सभामुख पदको लागि आज निर्वाचन हुँदैछ। आज बिहान ११ बजेबाट निर्वाचन सुरु हुनेछ।
जसअन्तर्गत उम्मेदवारको नामावली प्रकाशन, उम्मेदवारको प्रस्तावउपर दावी विरोध लगायतका प्रक्रिया हिजै भइसकेका छन्।
आज बिहान १० बजेदेखि साढे १० सम्ममा उम्मेदवारको प्रस्ताव फिर्ता, साढे १० देखि ११ बजेसम्म उम्मेदवारको अन्तिम नामावली प्रकाशन र ११ बजेबाट सभाको बैठक सुरु भई मतविभाजन र मतपरिणाम सार्वजनिक गर्ने तालिका रहेको छ।
कर्णालीको सभामुखका लागि दुई जनाको उम्मेदवारी छ। एमालेकी नन्दा गुरुङ र नेपाली कांग्रेसका खड्ग पोखरेलले सभामुख पदका लागि उम्मेदवारी दिएका छन्। गुरुङ सत्ता साझेदार दलहरूको साझा उम्मेदवार हुन्। उनलाई एमालेसहित माओवादी, राप्रपा लगायत दलहरूको समर्थन छ।
माघ १, २०७९ आइतबार ०९:३२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
