रोल्पामा ट्र्याक्टर दुर्घटना हुँदा घटनास्थलमै चालकको मृत्यु, दुई जना घाइते
काठमाडौं: रोल्पाको गङ्गादेव गाउँपालिका- ४ मा हिजो ट्र्याक्टर अनियन्त्रित भएर सडकबाट अन्दजी डेढ सय मिटर तल खस्दा चालकको घटनास्थलमै मृत्यु भएको छ। सोही दुर्घटनामा दुई जना घाइते भएका छन्।
चालक रोल्पाको गङ्गादेव गाउँपालिका- ७ का अन्दाजी २२ वर्षीय अम्मर वलीको मृत्यु भएको हो। घाइते भएका ट्र्याक्टरमै सवार स्थानीय अन्दाजी १७ वर्षीय राजेश केसी र २२ वर्षीय वीरबहादुर केसीलाई उपचारको लागि दाङतर्फ पठाइएको छ।
राकबाट सल्यानतर्फ तेल लिन खाली ड्रम बोकेर जाँदै गरेको रा१त ४१६१ नम्बरको ट्र्याक्टर हिजो साँझ ६ बजे अनियन्त्रित भएर दुर्घटना भएको जिल्ला प्रहरी कार्यालय रोल्पाले जानकारी दिएको छ।
माघ १, २०७९ आइतबार ०९:००:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
