प्रदेश १ को उप–सभामुखमा एमालेकी सिर्जना दनुवार निर्वाचित
विराटनगर : प्रदेश १ को उप–सभामुखमा एमालेकी सिर्जना दनुवार निर्वाचित भएकी छन्।
९० सांसद् सहभागी प्रदेशसभा सचिवालयमा भएको उप–सभामुख निर्वाचनमा दनुवारको पक्षमा ५७ मत पर्दा विपक्षमा ३३ मत परेको हो।
माओवादी केन्द्रका प्रदेश सांसद् नारायण बुर्जामगर र राप्रपाकी सबिजा बजगाईंको समर्थनमा उनले उम्मेदवारी दर्ता गराएकी थिइन्।
यसैबीच यसअघि उप–सभामुख पदकै लागि भएको पहिलो चरणको निर्वाचनमा नेपाली कांग्रेसकी सांसद लिलाकुमारी राईको पक्षमा ३३ मत परेको थियो।
उनको विपक्षमा ५७ मत परेपछि राई उप–सभामुखमा पराजित भएको सभामुख बाबुराम गौतमले घोषणा गरेका थिए।
पुष ३०, २०७९ शनिबार १३:४२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
