नवलपरासीमा ट्रककाे ठक्करबाट भ्यान चालककाे मृत्यु, अर्का एक घाइते
नवलपरासी : जिल्लामा ट्रक र पिकअप भ्यान आपसमा ठोक्किँदा एक जनाको मृत्यु भएको छ। अर्का एक जना घाइते भएका छन्।
बर्दघाट सुस्तापश्चिमको सुनवल नगरपालिका–४ मा दुर्घटना हुँदा भ्यान चालक चितवनको भरतपुर महानगरपालिका–१४ शिवनगर बस्ने ५२ वर्षीय राजकुमार विश्वकर्माको मृत्यु भएको हो।
गम्भीर घाइते भएका उनको उपचारको क्रममा जिल्ला अस्पताल परासीमा मृत्यु भएको हो। दुर्घटना घाइते भएका पिकअप भ्यानमा सवार चितवनकै भरतपुर महानगरपालिका–२३ का २५ वर्षीय शिव श्रेष्ठको सोही अस्पतालमै उपचार भइरहेको छ।
ना ४ च ९६३१ नम्बरको भ्यान र ना ५ ख ९७१५ नम्बरको ट्रक शुक्रबार विहान ६ बजे आपसमा ठोकिएका हुन्। दुवै सवारी साधनसहित ट्रक चालकलाई ईलाका प्रहरी कार्यालय सुनवलले नियन्त्रणमा लिएको छ।
पुष २९, २०७९ शुक्रबार १८:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
