१८ वर्षअघि भीमबहादुरको हत्या, अभियुक्त आज पक्राउ
काठमाडाैं : रुपन्देही मायादेवी गाउँपालिका–७ बस्ने भीमबहादुर यादवको हत्यामा संलग्न रहेको अभियोगमा प्रहरीले एक पुरुषलाई पक्राउ गरेको छ।
पक्राउ पर्नेमा रुपन्देही मायादेवी गाउँपालिका–७ घर भई हाल ललितपुर महानगरपालिका–२५ नख्खुडोल भैंसेपाटी बस्ने ४३ वर्षीय गोकुल यादव भन्ने रामनरेश यादव रहेका छन्। उनलाई शुक्रबार प्रहरीले पक्राउ गरेको हो।
२०६१ वैशाख २८ गते राति भीमबहादुरलाई कुटपिट तथा छुरा समेत प्रहार गरी हत्या गरेको घटनामा उनी संलग्न रहेको केन्द्रीय अनुसन्धान व्यूरो महाराजगंजले जनाएको छ।
उनलाई आवश्यक कारवाहीको लागि जिल्ला प्रहरी कार्यालय रूपन्देहीमा पठाइएको छ।
पुष २९, २०७९ शुक्रबार १६:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
