यही जनवरीमा सुनिल शेट्टीकी छाेरीसँग विवाह गर्दै क्रिकेटर केएल राहुल

एजेन्सी : बलिउड अभिनेता सुनिल शेट्टीकी छोरी अथिया शेट्टी र भारतीय क्रिकेटर केएल राहुल विगत तीन वर्षदेखि एकअर्कालाई डेट गरिरहेका छन्।

यी दुईको विवाहको खबर लामो समयदेखि आइरहेको थियो। यद्यपी दुवैको परिवारबाट विवाह वा विवाहको मितिबारे कुनै प्रतिक्रिया आएको छैन।

हालै आएको इन्डिया टुडेको रिपोर्ट अनुसार अथिया र केएलको विवाहको मिति सार्वजनिक भएको छ। विवाह समारोह तीनदिनसम्म बलिउडलाइफले लेखेको छ।

दुवैको परिवारले विवाहको तयारी थालिसकेका छन्। यो जोडीले २३ जनवरीमा विववाह गर्ने तय भएको छ। यी दुईको विवाहको संस्कार जनवरी २१ देखि २३ सम्म चल्नेछ। २१ र २२ गते हल्दी, मेहन्दी र संगीतको कार्यक्रम हुनेछ।

योसँगै यी जोडीले २३ गते विवाह गर्दैछन्। यो जोडी सुनिल शेट्टीको खण्डाला बंगलामा विवाह गर्न लागेका हुन्।

पुष २९, २०७९ शुक्रबार १४:५२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।