मेस्सीसहित १४ खेलाडी फिफा बेस्ट अवार्ड २०२२ काे मनोनयनमा
एजेन्सीः कतार विश्वकपमा सर्वोत्कृष्ट खेलाडी घोषित भएका मेस्सीसँगै १४ खेलाडी विश्व फुटबलकाे सर्वाेच्च संस्था फिफाकाे २०२२ को बेस्ट अवार्डकाे मनोनयनमा परेका छन्। विश्व फुटबल महासंघ फिफाले हरेक वर्ष विभिन्न विधामा विश्वका उत्कृष्ट खेलाडीलाई याे उपाधि दिने गर्छ।
अर्जेन्टिनालाई ३६ वर्षपछि विश्वकपको उपाधि दिलाएका कप्तान मेस्सीसँगै अर्का स्ट्राइकर जुलियन अल्भारेज पनि मनोनयनमा परेका छन्।
त्यसैगरी, विश्वकपका उच्च गाेलकर्ता केलियन एम्बाप्पेसँगै क्रोएसियाका लुका मोड्रिच र ब्राजिलका नेयमार पनि मनोनयनमा पर्न सफल भएका छन्।
उत्कृष्ट पुरुष प्रशिक्षकमा अर्जेन्टिनाका विश्वकप विजेता प्रशिक्षक लियोनल स्कालोनीसँगै मोरक्कोका वालिद रेग्रागुई मनोनयनमा परेका छन्।
उत्कृष्ट पुरुष गोलकिपरमा विश्वकपका उत्कृष्ट किप्परकाे उपाधि जितेका अर्जेन्टिनाका इमिलियानो मार्टिनेजसँगै पाँच खेलाडी मनाेनयनमा परेका छन्।
पुष २९, २०७९ शुक्रबार १३:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
