प्रदेश १ मा सरकार विस्तार, प्रचण्डका ज्वाइँसहित तीन मन्त्री थपिए
काठमाडौंः प्रदेश नम्बर १ का मुख्यमन्त्री हिक्मतकुमार कार्कीले मन्त्रिपरिषद् विस्तार गरेका छन्। विस्तारसँगै माओवादी केन्द्रका दुई र एमालेबाट एक जना गरी तीन मन्त्री थपिएका छन्।
आज माओवादीबाट तेह्रथुमका दुर्गाप्रसाद चापागाईं र मोरङका जीवन आचार्य मन्त्री बनेका हुन्। आचार्य प्रधानमन्त्री तथा माओवादीका अध्यक्ष पुष्पकमल दाहाल, प्रचण्डका ज्वाइँ हुन्। यस्तै एमालेबाट सोलुखुम्बुका बुद्धिकुमार राजभण्डारी मन्त्री बनेका छन्।
यसअघि नै एमालेबाट तिलकुमार मेन्याङ्बो, राप्रपाका भक्तिप्रसाद सिटौला र जसपाकी निर्मला लिम्बूलाई मन्त्री नियुक्त गरेका कार्कीले हालसम्म कुनै पनि मन्त्रालयको जिम्मेवारी भने दिएका छैनन्।
पुष २९, २०७९ शुक्रबार १२:२८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
