सात वर्ष कान्छा आदिलसँग राखी सावन्तकाे 'काेर्ट म्यारिज'

काठमाडौं : बलिउडको ड्रामा क्वीन भनिने राखी सावन्तले प्रेमी आदिल दुर्रानीसँग विवाह गरेकी छन्।

पहिलो पतिसँग सम्बन्धविच्छेद गरेपछि राखीले आदिलसँग कोर्ट म्यारिज गरेकी हुन्। जसका तस्बिरहरू अहिले सामाजिक सञ्जालमा निकै भाइरल भइरहेका छन्। विवाहको प्रमाणपत्र सहित विवाहको फोटो भाइरल भएको हो।

भाइरल तस्बिरमा दुवैले विवाह प्रमाणपत्रमा हस्ताक्षर गरेको देखिन्छ। अर्को तस्बिरमा राखी र आदिलले हातमा विवाहको प्रमाणपत्र लिएका छन्।

भाइरल तस्विरमा राखीले सेतो र गुलाबी रंगको शरारा लगाएकी र टाउकोमा सल ओढेकी छन्। जहाँ आदिल कालो शर्ट र डेनिममा सिम्पल लुकमा देखिन्छन्। एउटै तस्विरमा दुवै माला लगाएर उभिएका छन्।

यसअघि राखीले रितेश नामका व्यक्तिसँग विवाह गरेकी थिइन्। उनले लामो समयसम्म रितेशको नाममा सिन्दुर लगाएर घुम्ने गरेकी थिइन्।

बिगबोस १५’ मा राखीसँगै उनका पति रितेशको अनुहार पहिलो पटक देखाइएको थियो।

शो छोडेपछि राखीले आफ्नो श्रीमान् विवाहित भइसकेकाले उनीहरूको विवाह मान्य नभएको र सबै सम्बन्ध तोडिएको खुलासा गरेकी थिइन्। त्यसपछि राखी आदिलसँग डेट गर्न थालेकी हुन्।

पुष २८, २०७९ बिहीबार १३:५२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।