फिल्म छड्के-२ मा भिटेनको र्याप
काठमाडौं : नायक अनमोल केसीले मुख्य भूमिकामा अभिनय गरेको फिल्म ‘छड्के २’ ले अन्तिम समयमा र्याप गीत राखेको छ। फागुन १९ रिलिज मिति तोकिसकेको फिल्ममा र्यापर भिटेनको नयाँ गीत राखिएको छ।
अनमोल ग्याङस्टर लुक्सबाटै यसको कथावस्तु अनुमान गर्न सकिन्छ नै। त्यसमा गीत फिट हुने भन्दै भिटेनकै शब्द र सङ्गीतमा र्याप गीत राखिएको हो।
रोविन तामाङ, कमलमणि नेपाल, सिर्जना सुब्बा, रेशा आले मगरको अभिनय रहेको फिल्ममा निगम श्रेष्ठको लेखन तथा निर्देशन रहेको छ। फिल्मको छायाङ्कन चितवन र मुस्ताङमा भएको थियो।
यस अगाडि र्यापर जीबबले अनमोलको अभिनय रहेको ए मेरो हजुर ४ का लागी गीत गाएका थिए। सो गीतले फिल्म प्रमोसनमा राम्रै सघाएको थियो।
पुष २७, २०७९ बुधबार २३:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
