बेलायतले भन्यो– ‘रुसी सेनाले युक्रेनको नुन खानी भएको युक्रेनको शहर कब्जा गर्नसक्छ’
एजेन्सी : बेलायतको रक्षा मन्त्रालयले रुसी सेनाले युक्रेनको सोलेदार शहरलाई पूर्ण रूपमा नियन्त्रण गर्ने ‘सम्भावना’ रहेको जनाएको छ।
पूर्वी युक्रेनमा रहेको यो शहरमा नुनको खानी छ। रूसी सेना र अर्धसैनिक बलको पछिल्लो चार दिनमा यहाँ कब्जा गरिसकेको बेलायतले जनाएको हो।
सोलेदार बाकमुट शहर नजिकै छ। युक्रेन पनि त्यहाँ युद्ध लडिरहेको छ।
राष्ट्रपति जेलेन्स्कीले सोलेदारमा कोही पनि नबचेको र त्यहाँको एउटा घरको पर्खाल पनि बाँकी नरहेको बताएका छन्।
‘सोलेदार आक्रमणकारीहरूको शवले भरिएको छ’, उनले भने।
युद्ध अघि सोलेदारको जनसंख्या १० हजार थियो।
पुष २६, २०७९ मंगलबार १७:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
