म दाैरा सुरुवालकाे विराेधी कहिल्यै थिइन, तर याे विषय राष्ट्रिय समाचार बन्याेः प्रचण्ड

काठमाडाैंः प्रधानमन्त्री पुष्पकमल दहाल, प्रचण्डले आफू कहिले पनि दाैरा सुरुवालकाे विराेधी नरहेकाे बताएका छन्। विश्वासको मत लिने आफ्नो प्रस्तावमाथि दलहरूले उठाएको प्रश्नको जवाफ दिने क्रममा दाैरा सुरुवाल लगाउनु हुन्न भन्ने कुरा गलत भएकाे बताए।

उनले भने, ‘दाैरा सुरुवाल र प्रचण्डकाे बारेमा ठूलाे चर्चा छ। म दाैरा सुरुवाल विराेधी कहिले थिइन। म जुन राजनीतिक अवस्थाबाट आएँ त्यसमा सुरुमा अरू नै पाेशाक लगाउने गरिएकाले मलाई त्यसमा नै बानी परेकाे थियाे।’ 

हाल भने आम जनताकाे मनाेभावलाई सम्बाेधन गर्न सकिएन भने राम्राे हुँदैन भनेर दाैरा सुरुवाल लगाउन थालेकाे उनले बताए।

राष्ट्रपति लगायत धेरै नेताले पनि उनलाई दाैरा सुरुवाल लगाउन सुझाव दिएका थिए। यसपछि उपयुक्त समय खाेजेर दाैरा सुरुवाल लगाउँदा राष्ट्रिय समाचार बनकाे उनले उल्लेख गरे।

पुष २६, २०७९ मंगलबार १६:५४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।