कांग्रेसले पनि दिने भयाे प्रचण्डलाई विश्वासको मत
काठमाडाैंः नेपाली कांग्रेसले पनि प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ। कांग्रेसको केन्द्रीय कार्यसम्पादन समिति बैठकले प्रधानमन्त्रीलाई विश्वासको मत दिने निर्णय गरेको हाे।
मंगलबार संघीय संसद भवन नयाँ बानेश्वरमा बसेको बैठकले प्रतिपक्षमा ने बसेर प्रचण्ड नेतृत्वको सरकारलाई विश्वासको मत दिने निर्णय गरेको बताइएकाे छ।
यसअघि संसद बैठकबाट विश्वासको मत लिने तयारीमा रहेका दाहाल आफूलाई समर्थन गर्नका लागि आग्रह गर्न देउवालाई भेट्न धुम्बाराही पुगेका थिए।
समाजवादी पार्टी र लाेसपाले पनि प्रतिपक्षमा नै बसेर प्रधानमन्त्री प्रचण्डलाई विश्वासको मत दिने निर्णय गरिसकेका छन्।
पुष २६, २०७९ मंगलबार १३:०५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
