कर्णालीमा सभामुखको निर्वाचन माघ १ गते गरिने
काठमाडौं: कर्णाली प्रदेश सभाको सभामुख पदको चुनाव आगामी माघ १ गते हुने भएको छ। कर्णाली प्रदेश सभाको सोमबार बसेको बैठकमा ज्येष्ठ सदस्य विनोदकुमार शाहले सभामुखको चुनाव माघ १ गते बिहान ११ बजेका लागि तोकेका हुन्।
उनले कर्णाली प्रदेश सभा नियमावली, २०७९ को नियम ७ को उपनियम १ बमोजिम चुनावको मिति तथा समय तोकेका हुन्।
चुनावको मिति तोकेसँगै प्रदेश सभा सचिव जीवराज बुढाथोकीले यही पुस ३० गतेबाट सभामुखको निर्वाचन प्रक्रिया सुरु गर्ने र माघ १ गते बिहान ११ बजे सभाको बैठक प्रारम्भ, मतविभाजन र परिणाम घोषणा गर्ने गरी सूचना जारी गरेका छन्।
पुष २६, २०७९ मंगलबार ०७:१३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
