हामीलाई जनताकाे निराशाको मत पाएर जितेकाे आरोप लाग्ने गर्छः रवि लामिछाने
काठमाडौंः गृहमन्त्री तथा राष्ट्रिय स्वतन्त्र पार्टी (रास्वपा) का सभापति रवि लामिछानेले रास्वपालाई जनताकाे निराशाको मत पाएर जितेकाे आरोप लाग्ने गरेकाे बताएका छन्। प्रतिनिधिसभाको पहिलो बैठकमा सम्बोधन गर्दै उनले उक्त मत निराशाको नभइ आशाको मत भएको बताए।
उनले भने, ‘चुनावपछि हामीलाई निराशाको मत पाएको भनेर आरोप लाग्ने गरेकाे छ। तर याे निराशाको मत हैन, आशाको मत हो। यो हाम्रो दलका लागि मात्रै हैन, जनताले सबै राजनीतिक दलहरूलाई दिएकाे आशाको मत हो।’
उनले जनताले जानेर नजानेर सही निर्णय गरेकाे बताउँदै अब घण्टीको ध्वनिलाई संसद्ले सुन्नेछ भन्ने विश्वास राखेकाे पनि उल्लेख गरे।
पुष २५, २०७९ सोमबार १४:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
